يوتيوب ماخدامش عندك فتيليفونك اندرويد ؟ ماشي مشكل كاين الحل
كلنا عارفين ان يوتيوب اكبر منصة دالفيديوهات فالعالم لانه كاتحط فيه كل دقيقة 400 ساعة من الفيديوات وكاتشاف شي مليار ساعة دالفيديوات يوميا فيوتيوب هادي غير معلومات بسيطة المهم بالنسبة للناس اللي مابقاش خدام ليهوم ولاكايتبلوكا جبت ليكوم شي حلول بسيطة لهاد البلان
طفي التيليفون وعاود شعلوا
اتجيك عادية لانه ملي كاتطفيه وتعاود تشعلو ممكن انك تطفي دوك البليكاسيون اللي خدامين فالخلفية ماكاتشوفهومش وكاياثرو على التيلي والرام ديالو
جرب الانترنت عندك واش خدامة
جرب الانترنت واش واصلا للابليكاسيون اللي عندك باش ماتبقاش تضيع الوقت فالخاوي
ميزاجور اسهل حل
اسهل حل هو ميزاجور فقط سير لاعدادات وقلب على يوتيوب ودير ميزاجور ولاابديت ولاسير لجوجل بلاي لاطلعات ليك ابديت كليكي عليها راه كايفيكسيو مرا مرا التطبيقات
شوف الوقت واش مقاد
شوف الوقت فتيليفونك واش مقاد اتجيك لاعلاقة ولكن كاتوقع بزاف دالمرات بسباب الوقت ماكايخدموش بزاف دالسيتات والتطبيقات ماشي غايوتيوب
مسح الكاش ديال اليوتيوب
مسح الكاش والملفات المرتبطة بيوتيوب ساهل البلان اتمشي لاعدادات وتمشي للتطبيقات وختا يوتيوب ومحي الكاش والملفات المرتبطة بيوتيوب كان هادا اخر حل كانتمنى انه يكون الموضوع فادكوم وشكرا
ليست هناك تعليقات:
إرسال تعليق