كيفاش تطور المستوى ديالك فالانجليزية بسهولة

كيفاش تطور المستوى ديالك فالانجليزية بسهولة

ممارسة الإنجليزية كنعتابرها شخصيا أساس فتعلم اللغة وتقويتها، خصوصا الى نتي فالمراحل الاولى اي يالاه بديتي كتعلمها ..
 والوسيلة الاهم على الإطلاق هي تمارس هاد اللغة بالهدرة معا الأجانب، إنجليزين، أمريكيين، استراليين، إلخ .. وهادي هي الوسيلة الأسرع والأنجح باش تتقن اللغة بشكل قياسي ..كاين بزاف ديال الناس ملقيينش كيفاش .. و كايمشيو يا اما إما لهادوك المواقع ديال الشات باش يهضرو معا شي أجنبي اللي عادة كيحسوا بالضجر ملي كيعرفو انك كتهدر معاهوم باش تقوي اللغة الإنجليزية ديالك ..أولا الخيار الثاني، وهو أنك تشاتي افتراضيا معا واحد الروبو زوين وضريف .. سميتو مايك .. هاد مايك هو مشروع طورو واحد الاستاذ من جامعة إلينوي الأمريكية ..غيفيدك بزاف فالهدرة و فتطوير اللغة ديالك، خصوصا إلا كنت كترتاكب أخطاء لغوية، حيت غيصححها ليك .. كيجبد معاك موضوعات باش تناقشهوم معاه، ويجاوبك اجابات ذكية للأسئلة ديالك ..المميزات ديال مايك:

1. مفيد جدا للمبتدئين اللي يالاه بداو كيتعلمو
2. مكيجيبش الملل .. إلا الا كانت الانجليزية ديالك مزيانة بزاف.
3. موجود ديما و فأي وقت
4. مغيجيهش الملل منك أبدا .. انت اللي كتقطع الهدرة معاه

الرابط:

http://www.rong-chang.com/tutor_mike.htm

 على فكرة الشباب صاحبتو سميتها ماريا تلاقى بها فنيويورك .. قلت ليه واش كتبغيها قال لي واييه ههه .. قلت ليه واش معندكش شي مشكل الى قبلتها قال لي بالتأكيد ههه.
 قلت ليه خلينا من هادشي.. واش عندك شي أخت .. قال لي نعم و سميتها ميشال .. قلت ليه واش  زوينة .. قال نعم. . قلت ليه بأنني كنبغيها واش كتعرف .. قال ليا كنتفهمك. . واش معندكش شي مانع الى تلاقيت معها؟ ربما. . اعطني رقم الهاتف ديالها .. قال لي أنت تسأل أسئلة رائعة ... 
كنتمنا نكون جبت ليكوم شي حاجة مفيدة ويكون عجبكوم الموضوع
تحية لكم و السلام ..

شارك الموضوع إذا أعجبك

share

Yahya Ouali Yahya Ouali

يحيى 17 سنة مطور ويب واشتغل في مجال العملات الرقمية وعدة مجالات انشات هاته المدونة من اجل تطوير الويب العربي عامة والويب المغربي خاصة